غزہ میں اسرائیلی فوج کی بمباری سے اقوام متحدہ کے اہلکاروں کی ہلاکت کے سوگ میں اقوام متحدہ کا جھنڈا آج سرنگوں کیا گیا۔

عرب میڈیا کے مطابق آج کے روز ایشیا بھر میں اقوام متحدہ کے کمپاؤنڈز پر پرچم آدھے جھکائے گئے جبکہ عملے نے اسرائیل اور حماس کے درمیان تنازع کے دوران غزہ میں ہلاک ہونے والے ساتھیوں کی یاد میں ایک منٹ کی خاموشی اختیار کی۔

اقوام متحدہ کے نیلے اور سفید جھنڈے کو مقامی وقت کے مطابق صبح ساڑھے نو بجے بینکاک، ٹوکیو اور بیجنگ کے دفاتر میں سر نگوں کیا گیا، جس سے ایک دن قبل عالمی ادارے نے غزہ میں ایک تنصیب پر حملوں میں بڑی تعداد میں ہلاکتوں اور زخمیوں کی اطلاع دی تھی۔

فلسطینیوں کی حمایت کے لیے اقوام متحدہ کے ادارے (یو این آر ڈبلیو اے) نے جمعے کے روز اعلان کیا ہے کہ جنگ کے آغاز سے اب تک غزہ کی پٹی میں اس کے 100 سے زائد ملازمین ہلاک ہو چکے ہیں۔

حماس کے جنگجوؤں کی جانب سے سات اکتوبر کو جنوبی اسرائیلی آبادیوں پر مہلک حملے کے بعد سے اسرائیل غزہ کی پٹی میں اہداف پر مسلسل بمباری کر رہا ہے۔

اسرائیلی حکام کے مطابق حماس کے حملوں میں تقریبا 1200 افراد ہلاک ہوئے جن میں زیادہ تر عام شہری تھے اور 240 کے قریب افراد کو یرغمال بنایا گیا تھا۔

غزہ میں حماس کے زیر انتظام وزارت صحت کے مطابق اسرائیل کے جوابی حملوں میں 11 ہزار سے زائد فلسطینی شہید ہو چکے ہیں جن میں زیادہ تر بچے اور خواتین شامل ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/449352/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/449352/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں