آسٹریلوی ریاست کوئنز لینڈ کے جنگلات میں لگنے والی آگ میں شدت کے بعد حکام نے شہریوں کو اپنے گھر خالی کرنے کا حکم دے دیا ہے۔

عالمی خبر رساں ادارے کی خبر کے مطابق آسٹریلیا کی شمالی ریاست کوئنز لینڈ کے جنگلات میں آگ کے باعث تین علاقوں کے رہائشیوں کو بدھ کے روز اپنے گھروں کو خالی کرنے کا حکم دیا گیا ہے۔

آسٹریلیا اور نیوزی لینڈ سے آنے والے فائر فائٹرز ریاست میں آگ بجھانے میں مصروف ہیں جس سے پہلے ہی دو افراد ہلاک اور درجنوں گھر تباہ ہو چکے ہیں۔

بدھ کے روز دالوین قصبے کے قریب دو ملحقہ علاقوں کے لوگوں کو فوری طور پر وہاں سے نکلنے کا حکم دیا گیا تھا اور انہیں کہا گیا تھا کہ ہر آسٹریلوی کا دل آپ لوگوں کے ساتھ ہے۔

آسٹریلیا کے خزانچی جم چلمرز جن کے رائے دہندگان ریاست میں ہیں، نے بدھ کے روز ایک نیوز کانفرنس میں کہا کہ عوام ایک بار پھر ان جنگلاتی آگ سے متاثر ہو رہے ہیں۔

جم چلمرز نے مزید کہا کہ میں واقعی ان تمام لوگوں کا شکریہ ادا کرنا چاہتا تھا جو ان متاثرہ برادریوں میں کوششوں کو تقویت دے رہے ہیں۔

علاقے میں لگی آگ نے جنوب میں پڑوسی ریاست نیو ساؤتھ ویلز (این ایس ڈبلیو) کو بھی متاثر کیا۔

این ایس ڈبلیو کی رہائشی مشیل بیلنٹ نے بدھ کے روز سرکاری نشریاتی ادارے کو بتایا کہ یہ ایک بہت ہی خوفناک تجربہ تھا اور ہم نے ایسا کچھ کبھی نہیں دیکھا۔

حکام نے بدھ کے روز واٹسن ویل کے قریب ریاست کے دور دراز شمال میں انخلا کی تیسری وارننگ جاری کی ہے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/496430/amp/ کو لائک کریں