بھارت کے کپتان روہت شرما نے نیدرلینڈز کے خلاف میچ میں ون ڈے کرکٹ میں چھکوں کے دو عالمی ریکارڈز اپنے نام کر لیے۔

تفصیلات کے مطابق آئی سی سی ون ڈے ورلڈ کپ 2023 کے میچ میں بھارت کے کپتان روہت شرما نے ون ڈے کرکٹ کی تاریخ میں سب سے زیادہ چھکے لگانے کا ریکارڈ توڑ دیا۔

نیدر لینڈز کے خلاف میچ میں روہت شرما نے اپنی 61 رنز کی اننگ میں جب پہلا چھکا لگایا تو وہ ایک کیلینڈر ایئر میں سب سے زیادہ چھکے لگانے والے بیٹسمین بن چکے تھے۔

اس سے قبل یہ ریکارڈ جنوبی افریقہ کے سابق بیٹسمین اے بی ڈی ویلیئرز کے پاس تھا جنہوں نے سال 2015 میں 58 چھکے لگائے تھے۔

اس وقت موجودہ کیلینڈر ایئر میں روہت شرما کے چھکوں کی کل تعداد 60 ہو چکی ہے جبکہ سال ختم ہونے میں ابھی ایک ماہ سے زیادہ کا عرصہ باقی ہے امید ہے کہ روہت اپنے اس ریکارڈ کو مزید بہتر بنا لیں گے۔

علاوہ ازیں روہت شرما نے بطور کپتان ورلڈ کپ کے ایک ایڈیشن میں بھی سب سے زیادہ چھکے لگانے کا ریکارڈ توڑ دیا ہے، انگلینڈ کے کپتان ایوین مورگن نے 2019 کے ورلڈ کپ میں 22 چھکے لگائے تھے۔

روہت شرما رواں ورلڈ کپ میں 24 چھکے لگا کر انگلش کپتان کے ریکارڈ پر قبضہ جما چکے ہیں جبکہ اگر بھارتی ٹیم فائنل تک رسائی حاصل کر جاتی ہے تو روہت شرما کے لیے اس ریکارڈ کو مزید بہتر بنانے کا سنہری موقع ہو گا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/546778/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/546778/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں