عدالت نے ڈینگی کِٹس بدعنوانی کیس میں غیرحاضرملزمان کے وارنٹ گرفتاری کی تعمیل کا حکم دےدیا۔

اسپیشل جج سنٹرل عدالت اسلام آباد میں پولی کلینک اسپتال میں ڈینگی کِٹس بدعنوانی کیس سے متعلق سماعت ہوئی، اسسٹنٹ ایگزیکٹو ڈائریکٹر پولی کلینک ڈاکٹر امان اللہ خان سپیشل جج سنٹرل کی عدالت میں پیش ہوئے۔

سماعت اسپیشل جج سنٹرل شاہ رخ ارجمند نے کی، ملزمان کی حاضری مکمل نہ ہونے کے باعث آج بھی فرد جرم عائد نہ ہوسکی۔

ملزم امان اللہ کی جانب سے سیکشن 5A کے تحت درخواست دائرکی گئی، وکیل صفائی کا کہنا تھا کہ ہمارے نزدیک کوئی کیس بنتا ہی نہیں۔

اسپیشل جج سنٹرل شاہ رخ ارجمند نے غیرحاضر ملزمان کے وارنٹ گرفتاری کی تعمیل کا حکم دیتے ہوئے ڈینگی کِٹس بدعنوانی کیس کی سماعت 7 دسمبر تک ملتوی کردی۔

ایف آئی اے نے ڈاکٹر امان اللہ کے خلاف چالان عدالت میں جمع کرایا تھا۔ ملزمان کے خلاف ایف آئی اے نے بدعنوانی کے الزام میں مقدمہ درج کیا تھا۔

ملزمان پرپولی کلینک میں8800 زائد المعیاد ڈینگی کِٹس کے استعمال کا الزام ہے۔ ملزمان پر پولی کلینک میں ای این ٹی مشین کے فراڈ میں ملوث ہونے کا بھی الزام ہے۔

اگرآپ حالاتِ حاضرہ سے باخبر رہنا چاہتے ہیں تو ہمارےفیس بک پیج  https://www.bolnews.com/urdu/latest/2023/11/589497/amp/ کولائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/11/589497/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔