پاکستان کے سابق کھلاڑی رمیز راجہ کا کہنا ہے کہ ورلڈ کپ میں ناقص کارکردگی کا شدید دباؤ بابر اعظم کو قیادت چھوڑنے پر مجبور کر سکتا ہے۔

تفصیلات کے مطابق برطانوی نشریاتی ادارے کے ٹیسٹ میچ اسپیشل سے گفتگو کرتے ہوئے رمیز راجہ نے کہا کہ بابر اعظم پر اتنا دباؤ ہے کہ وہ قومی ٹیم کی قیادت سے دستبردار ہو سکتے ہیں۔

رمیز راجہ کا کہنا تھا کہ ورلڈ کپ میں سیمی فائنل کی دوڑ سے باہر ہونے اور ایونٹ میں ناقص کارکردگی پر سب کی تنقید بابر اعظم پر ہو گی۔

ایک سوال کے جواب میں رمیز راجہ نے کہا کہ ظاہر ہے ٹیم کی ناکامی پر ملک میں بڑے پیمانے پر رد عمل سامنے آیا ہے اور پاکستان کے میڈیا نے کچھ کھلاڑیوں خاص طور پر بابر اعظم کو نشانہ بنایا ہے۔

رمیز راجہ نے مزید کہا اس ٹیم کے ساتھ مسئلہ یہ ہے کہ اس میں جدید دور کی کرکٹ کھیلنے کی صلاحیت موجود ہے لیکن وہ اپنے نقطہ نظر سے قدرے شرمیلے اور ڈرپوک رہے ہیں۔

بابر اعظم 2020 سے ٹیسٹ اور ون ڈے ٹیموں کے کپتان ہیں اور پاکستان ٹیم کے ڈائریکٹر مکی آرتھر کا ماننا ہے کہ بابر اعظم اس وقت بھی سیکھ رہے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/702675/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/702675/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں