بھارتی مسافر طیارے میں نشے میں دھت ایک مسافر نے عملے کے ساتھ بدسلوکی کی جس کے بعد اسے حراست میں لے لیا گیا.

عالمی خبر رساں ادارے کی خبر کے مطابق انڈیگو ایئرلائن کی جانب سے پیر کے روز جاری ایک سرکاری بیان کے مطابق ہوائی اڈے کے قانون نافذ کرنے والے حکام نے عملے کے ساتھ بدسلوکی کرنے پر ایک مسافر کو حراست میں لے لیا۔

یہ واقعہ جے پور سے بنگلورو جانے والی پرواز 6 ای 556 میں پیش آیا، مسافر کو مزید قانونی کارروائی کے لئے مقامی قانون نافذ کرنے والے حکام کے حوالے کر دیا گیا۔

بیان میں کہا گیا ہے کہ جب اس نے بدسلوکی کی تو وہ نشے میں تھا اور بار بار وارننگ دینے کے باوجود اس نے اسی طرح کا برتاؤ جاری رکھا۔ تاہم ایئرلائن نے ملزم کی شناخت ظاہر نہیں کی لیکن کہا کہ اسے حکام کے حوالے کردیا گیا ہے اور مزید قانونی کارروائی کی جائے گی۔

ایئر لائن نے ایک بیان جاری کیا کہ جے پور سے بنگلورو جانے والی پرواز 6 ای 556 میں ایک مسافر نشے میں تھا اور متعدد وارننگ کے باوجود عملے کے ساتھ بدسلوکی کی۔

مسافر کو مزید قانونی کارروائی کے لئے مقامی قانون نافذ کرنے والے حکام کے حوالے کردیا گیا۔ ہمیں دیگر مسافروں کو ہونے والی تکلیف پر افسوس ہے۔

یہ پہلا موقع نہیں ہے جب اس طرح کا معاملہ سامنے آیا ہے۔ گزشتہ ماہ دہلی پولیس نے نیو یارک سے دہلی جانے والی ایئر انڈیا کی پرواز میں مبینہ طور پر ہنگامہ کرنے اور عملے کے ساتھ بدسلوکی کرنے کے الزام میں ایک شخص کے خلاف معاملہ درج کیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/702905/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/702905/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں