بھارت کے امپھال ہوائی اڈے کے رن وے کے قریب نامعلوم خلائی مخلوق دیکھے جانے کے بعد ایئرپورٹ کو بند کر دیا گیا۔

بھارتی میڈیا کے مطابق منی پور کے دارالحکومت امپھال ایئرپورٹ کی فضاؤں میں نامعلوم شے کو اڑتا ہوا دیکھا گیا جس کے بعد ایئرپورٹ حکام نے فلائٹ آپریشن روک دیا۔

رپورٹس کے مطابق ایئر ٹریفک کنٹرول کے عملے اور کچھ مقامی لوگوں نے کسی نامعلوم شے کو اڑتے ہوئے دیکھا، فاصلہ زیادہ ہونے کی وجہ سے اڑتی ہوئی شے کی شناخت نہیں ہوئی پائی۔

ایئرپورٹ کے ایئر ٹریفک کنٹرول نے فوری طور پر روانہ ہونے والے تین پروازوں کو ٹیک کرنے سے روک دیا، جبکہ آنے والی پروازوں کا رخ کولکتہ کی طرف موڑ دیا گیا۔

بھارتی میڈیا کے مطابق ایئرپورٹ کا فلائٹ آپریشن تین گھنٹے تک معطل رہا، کچھ لوگوں نے نام ظاہر نہ کرنے کی شرط پر بتایا کہ ایئرپورٹ حکام نے فضائی حدود کا کنٹرول بھارتی فضائیہ کے حوالے کر دیا تھا۔

امپھال ہوائی اڈے کے ڈائریکٹر چیپیمی کیشنگ نے ایک بیان میں بتایا کہ نامعلوم خلائی مخلوق کی رن وے کے قریب اڑنے کی تصدیق ہوئی ہے۔

چیپیمی کیشنگ نے مزید بتایا کہ مجاز اتھارٹی کی جانب سے سیکیورٹی کلیئرنس دیے جانے کے بعد معطل پروازوں نے اڑان بھری۔

ہوائی اڈے کے ایک سینئر افسر نے نام ظاہر نہ کرنے کی شرط پر بھارتی میڈیا کو بتایا کہ کافی بڑی چیز کو ایک گھنٹے سے زیادہ وقت تک رن وے کے قریب اڑتے ہوئے دیکھا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/735220/amp/ کو لائک کریں