کیلابریان مافیا کے دو مقامی رہنماؤں سیویریو رازیونلے اور ڈومینیکو بوناوتا کو 30 سال قید کی سزا سنائی گئی ہے۔

غیر ملکی خبر رساں ادارے کی خبر کے مطابق اٹلی کی ایک عدالت نے ملک کے اب تک کے سب سے بڑے مافیا ٹرائل کے اختتام پر 230 سے زائد مدعا علیہان کو مجرم قرار دیا ہے، جس نے جنوبی علاقے کالابریا میں اپنے مرکز میں ‘اینڈرنگیٹا کرائم گروپ’ کو نشانہ بنایا تھا۔

تقریبا تین سال تک جاری رہنے والے مقدمے میں 330 سے زائد مشتبہ ڈاکوؤں اور ان کے مبینہ ساتھیوں بشمول وائٹ کالر پروفیشنلز کو بھتہ خوری، منشیات کی اسمگلنگ اور چوری جیسے الزامات کا سامنا تھا۔

اٹلی کی خبر رساں ایجنسی کے مطابق ججوں کو پیر کو اپنا فیصلہ پڑھنے میں صرف ایک گھنٹہ 40 منٹ لگے۔ سب سے بھاری جرمانے کیلبریان مافیا کے دو مقامی رہنماؤں سیویریو رازونالے اور ڈومینیکو بوناووٹا کو دی گئیں، دونوں کو 30 سال قید کی سزا سنائی گئی۔

اٹلی کے معروف مجسٹریٹوں میں سے ایک اور اس کیس کے سابق مرکزی پراسیکیوٹر نکولا گراٹیری نے خبر رساں ادارے کو بتایا کہ آج کے فیصلے کا مطلب یہ ہے کہ کالابریا کا ایک پورا صوبہ جرائم پیشہ گروہ کے اعلیٰ حکام سے آزاد کرا لیا گیا ہے۔

سزا پانے والوں میں قومی حکمراں اتحاد کے رکن فورزا اطالیہ پارٹی کے ایک وکیل اور سابق سیاست دان گیانکارلو پٹیلی بھی شامل تھے جنہیں مافیا کی ملی بھگت اور معلومات فراہم کرنے کے جرم میں 11 سال قید کی سزا سنائی گئی تھی۔

نیپلز میں چیف پراسیکیوٹر بننے کے لیے دو ماہ قبل ملازمت تبدیل کرنے والے گرٹیری نے کہا کہ ‘اینڈرنگیٹا’ اور پیشہ ور افراد کے نیٹ ورک کے درمیان تعلق کی تصدیق اس فیصلے کا ایک اہم پہلو ہے۔

مقامی پولیس کے سابق سربراہ جارجیو ناسیلی کو دو سال چھ ماہ قید کی سزا سنائی گئی ہے۔

تاہم، استغاثہ کو اتنی بھاری سزائیں نہیں مل سکیں جتنی وہ کئی معاملوں میں مانگ رہی تھی، اور مقدمے میں زیر سماعت تقریبا 100 افراد کو بری کر دیا گیا تھا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/750219/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/750219/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں