ترجمان دفترخارجہ کا کہنا ہے کہ پاکستان غزہ میں فلسطینیوں کے قتل عام کی شدید مذمت کرتا ہےاورغزہ میں مکمل جنگ بندی کا حامی ہے۔

ترجمان دفترخارجہ ممتاززہرا بلوچ نے اسلام آباد میں صحافیوں سے نیوزکانفرنس کرتے ہوئے کہا کہ نگراں وزیراعظم نے غزہ میں اسرائیلی بربریت کی مذمت کی ہے، وزیراعظم نے اقوامِ متحدہ کی قراردادوں کے مطابق مسئلہ فلسطین کے حل پرزور دیا۔ اقوام متحدہ سلامتی کونسل کوغزہ میں امن کے لیے فوری اقدامات کرنا چاہییں۔

ممتاز زہرا بلوچ نے کہا کہ نگراں وزیراعظم نے ای سی او اجلاس کے موقع پرعالمی رہنماؤں سے ملاقاتیں کی، اجلاس میں خطے کی ترقی اور تجارتی سرگرمیوں پراتفاق ہوا۔ وزیراعظم نے ای سی او کے وژن پر پاکستان کا مؤقف پیش کیا۔ بطورقابض طاقت اسرائیل کو چوتھے جینوا کنوینشن کا احترام کرنا چاہیے۔

ترجمان دفترخارجہ کا کہنا ہے کہ پاکستان کشمیریوں کی اخلاقی، سیاسی اورسفارتی حمایت جاری رکھے گا۔ اس ہفتے کے شروع میں جموں و کشمیر میں ڈوگرا راج، آر ایس ایس کے ہاتھوں کشمیریوں کا قتل عام ہوا۔ ہم اس واقعہ کے ذمہ داران کو انصاف کے کٹہرے میں لانے کا مطالبہ کرتے ہیں۔ بھارت کشمیریوں کے نا قابل تنسیخ حق خودارادیت کا احترام کرے۔

انھوں نے ہفتہ وار بریفنگ میں کہا کہ نگران وزیراعظم نے ازبکستان کا دو روزہ دورہ کیا، وزیراعظم آج او آئی سی کے ہنگامی اجلاس میں شرکت کے لیے سعودی عرب روانہ ہوں گے۔ نگراں وزیراعظم کی جانب سے دو روز قبل پریس کانفرنس میں اس حوالے سے پالیسی بیان دیا گیا۔ پاکستان اس حوالے سے امریکہ اور متعلقہ ممالک سے رابطے میں ہے اور تمام اقدامات اٹھائے جا رہے ہیں۔

ترجمان دفترخارجہ نے کہا کہ پاکستان ایسا ملک ہے جہاں آئین و قوانین مذہب پرعملدرآمد کی آزادی فراہم کرتے ہیں، پاکستانی قوانین اقلیتوں کو مکمل تحفظ فراہم کرتے ہیں۔ ہم نے امریکا کا غزہ میں چند گھنٹوں کی جنگ بندی کا بیان دیکھا ہے۔ ملٹری آپریشن میں ٹیکٹیکل وقفے انسانی امداد کےغزہ رسائی میں مددگار ثابت نہیں ہو سکتے۔ پاکستان غزہ میں مکمل جنگ بندی کا حامی ہے۔ یقین ہے کہ بھارت بھی اس جنگ بندی انتظامات کی پیروی کرے گا۔

ممتاز زہرا بلوچ نے کہا کہ نگران وزیراعظم کا بیان بہت واضح تھا جس میں انہوں نے کہا کہ ہم بارہا کہہ چکے ہیں ہمیں افغان سرزمین کے پاکستان کے خلاف استعمال ہونے پرتحفظات ہیں، ہم بارہا اپنے تحفطات سے افغان عبوری انتظامیہ کو آگاہ کر چکے ہیں۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/769763/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/11/769763/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔