آئی سی سی ون ڈے ورلڈ کپ 2023 کے 34 ویں میچ میں افغانستان نے نیدرلینڈز کو 7 وکٹوں سے شکست سے ہمکنار کیا۔

تفصیلات کے مطابق بھارت کے شہر لکھنؤ کے لکھنؤ کرکٹ اسٹیڈیم میں آئی سی سی ون ڈے ورلڈ کپ 2023 کے 34 ویں مقابلے میں افغانستان نے نیدرلینڈز کو 7 وکٹوں سے شکست دے دی۔

افغانستان نے نیدرلینڈز کی جانب سے دیا جانے والے 180 رنز کا ہدف 32 ویں اوور میں 3 وکٹوں کے نقصان پر حاصل کر لیا۔

افغانستان کے کپتان حشمت اللہ شاہدی نے کپتان اننگ کھیلی انہوں نے 56 رنز ناقابل شکست کی اننگ کھیلی۔ جبکہ رحمت شاہ 52 ، رحمان اللہ گرباز 10 اور ابراہیم زردان نے 20 رنز بنائے، عظمت اللہ عمر زئی 31 رنز پر ناٹ آؤٹ رہے۔

نیدرلینڈز کے بولرز افغان بیٹرز کے لیے کوئی مشکل کھڑی نہ کر سکے، لوگن وین بیک، وین ڈرمرو اور ثاقب ذوالفقار 1،1 وکٹ حاصل کی۔

قبل ازیں نیدرلینڈز نے ٹاس جیت کر پہلے بیٹنگ کا فیصلہ کیا جو سود مند ثابت نہ ہو سکا، اور پوری ٹیم 46.2 اوورز میں 179 رنز بنا کر آؤٹ ہو گئی۔

نیدرلینڈز کے افتتاحی بلے باز ویزلی بیریسی صرف 1 رن بنا سکے، میکس او ڈاؤڈ 42 اور کولن ایکرمین نے 29 رنز بنائے۔

نیدرلینڈز کے کپتان اسکاٹ ایڈورڈز بنا کوئی رن بنائے پویلین لوٹ گئے، اس کے علاوہ باس ڈی لیڈز اور ثاقب ذوالفقار نے 3،3 رنز بنائے۔

نیدرلینڈز کے نمایاں بیٹسمین سائبرینڈ اینجلبرچٹ تھے جنہوں نے 58 رنز کی اننگ کھیلی۔

افغانستان کی جانب سے محمد نبی نے 3، نور احمد نے 2 اور مجیب الرحمان نے 1 وکٹ حاصل کی.

نیدرلینڈز کا اسکواڈ

کپتان اسکاٹ ایڈورڈز، میکس او ڈاؤڈ، کولن ایکرمین، باس ڈی لیڈز، ثاقب ذولفقار، سائبرینڈ اینجلبرچٹ، باس ڈی لیڈز، روئیلوف وین ڈیر مروے، لوگن وین بیک، آرین دت، پال وین میکرن

افغانستان کا اسکواڈ

رحمان اللہ گربز، ابراہیم زدران، کپتان حشمت اللہ شاہدی، رحمت شاہ، عظمت اللہ عمر زئی، رحمت شاہ، وکٹ کیپر اکرام علی خیل، محمد نبی، راشد خان، مجیب الرحمان، فضل الحق فاروقی۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/828749/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/828749/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں