نگران پنجاب حکومت نے پاکستان ریلویز کا دیرینہ مسئلہ حل کر دیا ہے۔

تفصیلات کے مطابق صوبائی دارلحکومت میں موجود پاکستان ریلویز کی اربوں روپے ملکیت کی اراضی محکمہ کے نام منتقل کر دی گئی۔

لاہور میں موجود پاکستان ریلویز کی اراضی مختلف صوبائی محکموں کے قبضہ میں تھی، بول نیوز نے ریلوے اراضی سے متعلق رپورٹ کی کاپی حاصل کر لی۔

لاہور کی پانچ تحصیلوں میں موجود 5119 کنال 2 مرلے اراضی ریلوے کے نام پر منتقل کی گئی؛ تحصیل رائے ونڈ، ماڈل ٹاؤن، شالامار، کینٹ اور تحصیل سٹی میں موجود اراضی ریلوے کے نام پر منتقل کی گئی۔

پنجاب حکومت نے صوبائی دارالحکومت لاہور کی تحصیل رائے ونڈ میں 933 کنال اور 10 مرلے اراضی، تحصیل ماڈل ٹائون میں 2493 کنال 6 مرلے اراضی، تحصیل شالیمار میں 573 کنال 8 مرلے اراضی، کینٹ کی 569 کنال 18 مرلے جبکہ تحصیل سٹی میں 188 کنال 3 مرلے اراضی ریلوے کے نام پر منتقل کر دی ہے۔

لاہور کے مواضع جات جنجاتے، جیابگہ، رکھ کوٹ لکھپت، امرسدھو، رکھ چندرائے، کوٹ لکھپت، سدھوکی، ننگر، کچا، ہلوکی، واہگہ، بھانوچک، جلو، رکھ تیڑہ، کوڑے، نولکھا، جیاموسیٰ اور تارگڑھ میں اراضی ریلوے کے نام پر منتقل کی گئی ہے۔

دوسری جانب وفاقی وزیر ریلویز شاہد اشرف تارڑ کی زیر صدارت اجلاس ہوا جس میں پاکستان ریلویز کی کارکردگی، آپریشنل اور انتظامی امور کا جائزہ لیا گیا۔

اجلاس میں تمام کیٹیگری اے کے ریلوے سٹیشنوں پر بی او ٹی کی بنیاد پر ایگزیکٹیو ٹوائلٹس بنانے کا فیصلہ کیا گیا۔

اس موقع پر وفاقی وزیر ریلویز شاہد اشرف تارڑ نے کہا کہ مسافروں اور مال بردار ٹرینوں کی آمدن میں 17 فیصد اضافہ ریکارڈ اضافہ ہوا ہے۔

شاہد اشرف تارڑ نے کہا کہ راولپنڈی ریلوے اسٹیشن کمرشلائزیشن ایکشن پلان ٹائم لائن کے ساتھ جلد پیش کیا جائے، ریلوے اسٹیشن کی کمرشلائزیشن منصوبے کو مرحلہ وار مکمل کیا جائیگا۔

وفاقی وزیر ریلویز شاہد اشرف تارڑ نے مزید کہا کہ ریلوے میں ای آر پی کے نفاذ سے مالیاتی کارکردگی میں بہتری آئی ہے، ریلوے میں ایندھن کی استعداد کار بڑھانے کے لیے آن لائن فیول مینجمنٹ سسٹم کو ترجیحی بنیادوں پر نافذ کیا جائے۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/875420/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/875420/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں