آرمی چیف سیدعاصم منیرنےاسٹرائیک کورکا دورہ کیا، دورے کے دوران انھوں نے اسٹرائیک کورکی مشترکہ تربیتی مشق کا مشاہدہ کیا اورجوانوں سے ملاقات کی۔

آئی ایس پی آر کےمطابق مشق کا مقصد جاری آپریشنل تیاریوں کی توثیق کرنا ہے۔ آرمی چیف جنرل سیدعاصم منیرنشانِ امتیاز(ملٹری) نے چین سے حاصل کیے گئے جدید ترین VT-4 ٹینکوں سے لیس آرمرڈ فارمیشن کی قیادت میں کی گئی مشقوں کا مظاہرہ بھی دیکھا۔

آرمی چیف نے مشق میں حصہ لینے والے جوانوں سے ملاقات کی اوران کے جذبے، آپریشنل کارکردگی اور پیشہ ورانہ مہارت کو بھی سراہا، آرمی چیف نے درپیش چیلنجز کا جواب دینے کے لیے جنگی تیاری اور ذہنی صلاحیت کی اہمیت کو بھی اُجاگرکیا۔

آئی ایس پی آر کے مطابق آرمی چیف سیدعاصم منیرنےتیزی سے بدلتے ہوئے خطرات کے پیش نظرمختلف ہتھیاروں کے درمیان ہم آہنگی کے حصول کی اہمیت پر بھی روشنی ڈالی۔ انھوں نے رات کی تاریکی کے دوران آپریشنزمیں حاصل ہونے والی مہارت کو بھی سراہا۔

آرمی چیف نے اس بات کا اعادہ کیا کہ ” زمانہ امن میں صرف حقیقت پسندانہ، مشن پر مبنی تربیت ہی میدان جنگ میں بہترین کارکردگی کی ضمانت دے سکتی ہے۔“

آرمی چیف جنرل سیدعاصم منیرکی آمد پر کمانڈر منگلا کور نے اُن کا استقبال کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/907263/amp/  کولائک کریں۔ ٹوئٹر پر ہمیں فالو کریں https://www.bolnews.com/urdu/latest/2023/11/907263/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔