ایف آئی اے کارپوریٹ کرائم سرکل لاہورکا حوالہ ہنڈی اورغیرقانونی کرنسی ایکسچینج میں ملوث عناصر کے خلاف کریک ڈاؤن جاری ہے۔

ترجمان کے مطابق ایف آئی اے نے کارروائی کرتے ہوئے حوالہ ہنڈی اور کرنسی کی غیر قانونی ایکسچینج میں ملوث 2ملزمان کو گرفتارکرلیا۔ گرفتار ملزمان میں محمد نجیب اللہ اور محمد عادل شامل ہیں۔

چھاپے کے دوران ملزمان سے بھاری رقوم برآمد ہوئیں، ملزم محمد نجیب اللہ کو جاپان سنٹر لاہور جبکہ محمد عادل کو میو اسپتال کے قریب سے گرفتار کیا گیا۔

ملزمان کرنسی کے غیر قانونی ایکسچینج میں ملوث منظم ریکٹ چلا رہے تھے، ملزمان کے خلاف چھاپہ مار کارروائی خفیہ اطلاع ملنے پرعمل میں لائی گئی۔

ملزمان سے مجموعی طورپر45 لاکھ 25 ہزار پاکستانی روپے، 200 امریکی ڈالر، 300 قطری ریال اور 331 ملائشین رنگٹ برآمد ہوئے۔ ملزمان سے ہنڈی حوالہ سے متعلق ریکارڈ بھی برآمد کر لیا گیا۔

ترجمان ایف آئی اے کا کہنا ہے کہ ملزمان برآمد ہونے والی کرنسی کے حوالے سے حکام کو مطمئن نہ کر سکے۔ ملزمان کے خلاف مقدمہ درج کر تفتیش کا آغاز کردیا گیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/942834/amp/ کو لائک کریں۔

ٹوئٹر پر ہمیں فالو کریں https://www.bolnews.com/urdu/latest/2023/11/942834/amp/ اور حالات سے باخبر رہیں۔

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں۔