پولینڈ نے روس کے کے لیے جاسوسی کے الزام میں 16 افراد پر فرد جرم عائد کر دی ہے۔

عالمی خبر رساں ادارے کی خبر کے مطابق پولینڈ نے رواں سال کے اوائل میں ایک روسی جاسوس گروہ کو بند کرنے کے بعد 16 غیر ملکیوں کے ایک گروپ پر جاسوسی کا الزام عائد کیا ہے۔

وارسا کا دعویٰ ہے کہ روسی انٹیلی جنس سروسز نے جاسوسی نیٹ ورک کو تخریب کاری اور پروپیگنڈے میں ملوث ہونے کے لیے منظم کیا تھا۔

وارسا کا کہنا ہے کہ مشتبہ افراد، جن پر روسی انٹیلی جنس کی ہدایت پر تخریب کاری اور پروپیگنڈا سرگرمیوں میں ملوث ہونے کا الزام ہے، نے اپنے الزامات کا اعتراف کر لیا ہے۔

جاسوسی کے اس گروہ کو اس سال کے اوائل میں ختم کر دیا گیا تھا۔

انٹیلی جنس سروس کے کوآرڈینیٹر ماریوز کامنسکی کے دفتر سے جاری ہونے والے ایک بیان میں کہا گیا ہے کہ 16 غیر ملکیوں کے خلاف پولینڈ کی سرزمین پر روسی انٹیلی جنس سروسز کی جانب سے جاسوسی کی سرگرمیاں انجام دینے اور ایک منظم مجرمانہ گروہ میں حصہ لینے کے الزامات عائد کیے گئے ہیں۔

بیان میں مزید کہا گیا ہے کہ ان کے تفویض کردہ کاموں میں فوجی تنصیبات اور اہم بنیادی ڈھانچے کی نشاندہی، یوکرین کو فوجی اور انسانی امداد پہنچانے والی ٹرینوں کی نگرانی اور دستاویزات تیار کرنا اور ٹرینوں کو پٹری سے اتارنے کی تیاری شامل ہے۔

بیان میں مزید کہا گیا ہے کہ تخریب کاری اور پروپیگنڈا کارروائیوں کا مقصد ہمسایہ ملک یوکرین کے خلاف پولینڈ کے جذبات کو تبدیل کرنا بھی ہے۔

وزیر انصاف زبیگنیو زیوبرو نے کہا کہ لوبلن پراسیکیوٹرز نے حال ہی میں ایک خطرناک جاسوسی نیٹ ورک کے ارکان کے خلاف فرد جرم عائد کی ہے۔

وزیر انصاف زبیگنیو زیوبرو  کے مطابق مدعا علیہان، جنہیں روسی انٹیلی جنس نے کمیشن دیا تھا، بندرگاہوں اور فوجی یونٹوں کے ارد گرد انٹیلی جنس سرگرمیاں انجام دیں، تخریب کاری کی کارروائیاں تیار کیں اور پولینڈ کے خلاف پروپیگنڈا بھی کیا۔

اگر آپ حالاتِ حاضرہ سے باخبر رہنا چاہتے ہیں تو ہمارےفیس بک پیج https://www.bolnews.com/urdu/latest/2023/11/949641/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/latest/2023/11/949641/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے  کو سبسکرائب کریں   اور بیل آئیکن پر کلک کریں