پاکستان کرکٹ ٹیم کے سابق نائب کپتان شاداب خان نے آسٹریلیا میں اسپنرز کے ان فٹ ہونے کی وجہ بتادی۔ 

لاہور میں میڈیا سے گفتگو کرتے ہوئے قومی ٹیم کے آل راؤنڈر شاداب خان کا کہنا تھا کہ ابرار احمد کافی عرصے سے کرکٹ کھیل رہا ہے اور کام کی زیادتی کی وجہ سے ہمارے اسپنر انجری کا شکار ہو رہے ہیں۔

شاداب خان نے کہا کہ آسٹریلیا میں قومی ٹیم سیریز جیتنے گئی ہے، ایک میچ ہارنے سے کچھ نہیں ہوتا، ہم بطور قوم بہت جلدی باتیں شروع کر دیتے ہیں۔

انہوں نے کہا کہ شاہین آفریدی کافی عرصے بعد ٹیسٹ کرکٹ کھیل رہے ہیں اس لیے ردھم میں آنے میں وقت لگتا ہے۔

پی ایس ایل سے متعلق پوچھے گئے سوال کے جواب میں شاداب خان کا کہنا تھا کہ قومی ٹیم میں سب میرے دوست ہیں، پی ایس ایل میں لاہور قلندرز کو ٹکر دیں گے۔