پاکستان اسٹاک ایکسچینج میں ایک اور تاریخ رقم ہو گئی، آج کاروبار کے آغاز میں 100 انڈیکس 66ہزار پوائنٹس سے بڑھ گیا۔

پاکستان اسٹاک ایکسچینج میں 100 انڈیکس 1284 پوائنٹس کےاضافے سے مارکیٹ 66 ہزار 2 پوائنٹس پرٹریڈ ہورہی ہے۔

گزشتہ روز 100 انڈیکس 64 ہزار 718 پوائنٹس پر بند ہوا تھا۔

نگراں وزیرِ اعظم انوار الحق کاکڑ نے اسٹاک ایکسچینج میں گھنٹی بجا کر آج ٹریڈنگ کا آغاز کیا۔

اجارہ سکوک جاری کرنے کی تقریب سے خطاب میں نگراں وزیرِ اعظم انوارالحق کاکڑ نے کہا کہ آئی ایم ایف کے ساتھ اسٹینڈ بائی معاہدے سے سرمایہ کاروں میں اعتماد آیا۔ معاشی بہتری کے باعث اسٹاک مارکیٹ ستمبر سے اب تک 40 فیصد بڑھی ہے۔

نگراں وزیرِ اعظم انوارالحق کاکڑ نے یہ بھی کہا کہ ڈالر کا بھاؤ ستمبر میں 307 روپے تھا جو آج 284 روپے کے لگ بھگ ہے۔

مذید خبرپڑھیے؛ نگران وزیرِ اعظم انوار الحق کاکڑ سے پاکستان اسٹاک ایکسچینج کے ارکان کی ملاقات