کراچی میں راشد منہاس روڈ پرواقع آرجے مال میں آگ چوتھی منزل پر قائم فوڈ کورٹ میں لگی تھی، جس کی ویڈیو سامنے آگئی ہے۔

چوتھی منزل پر لگنے والے آگ نے فوڈ کورٹ کو کیسےجلایا، سی سی ٹی وی فوٹیج بول نیوز نے حاصل کرلی جس کے مطابق آگ چوتھی منزل کے ٹی بارمیں 6 بجکر 12 منٹ پر لگی تھی۔

سی سی ٹی وی فوٹیج میں 6 بجکر 12 منٹ 40 سیکنڈ پر نیچے اسپارک دیکھا جاسکتا ہے، 6 بجکر 17 منٹ پر چوتھی منزل پر آگ میں شدت آچکی تھی، چوتھی منزل پرفالس سیلنگ میں مکمل طور پر آگ لگ چکی تھی۔

کراچی گلستان جوہر آرجے مال میں آگ کیسے لگی ؟
عمارت میں آتشزدگی کی سی سی ٹی وی فوٹیج بول نیوز پر
براہ راست دیکھیں:https://www.bolnews.com/urdu/latest/2023/12/410413/amp/#BOLNews #Karachi pic.twitter.com/KV7DZ5Hya2

Advertisement

— BOL Network (@BOLNETWORK) December 23, 2023

فوٹیج کے مطابق آگ سے گرنے والے اجزا فوڈ کورٹ میں آکر گرنے لگے، جلتے ہوئے اجزا گرنے سے فوڈ کورٹ میں بھی آگ لگ گئی، 6 بجکر 22 منٹ پر فوڈ کورٹ مکمل طور پر جل چکا تھا۔

پولیس کی جانب سے عدالت میں جمع کرائی گئی تحقیقاتی رپورٹ میں کہا گیا کہ آگ لگنے سے تمام منزلوں پر شدید دھواں جمع ہو گیا تھا، آگ لگنے سے 11 افراد جاں بحق ہوئے تھے، پھنسے ہوئے افراد کی جان دھوئیں اور دم گھٹنے کے باعث ہوئی۔

 رپورٹ میں یہ بھی کہا گیا کہ گلشن اقبال فائراسٹیشن کو 6 بجکر 29 منٹ پر اطلاع دی گئی، چوتھی منزل کے مالکان کو مینیجر مدثر نے 7 بجے اطلاع دی، فائربریگیڈ ڈیپارٹمنٹ کو آگ لگنے کی اطلاع بروقت نہیں دی گئی، جب فائر بریگیڈ پہنچی تو 3 اور 4 منزلیں بری طرح جل رہی تھیں۔