لاہورہائیکورٹ میں سموگ تدارک کیس کی سماعت کے دوران عدالت نے رات گئے تک کھلے رہنے والے ریسٹورنٹس کو 50 ہزار جرمانہ کرنے کی ہدایت کردی۔

لاہورہائی کورٹ نے خلاف ورزی کرنے والے ریسٹورنٹس کو جرمانے کے ساتھ ساتھ سیل کرنے اورلاہورکے انڈر پاسز کی تزئین و آرائش جلد مکمل کرنے کا حکم بھی دے دیا۔

اسموگ تدارک کیس،دیر تک کھلے رہنے والے ریسٹورنٹس کو جرمانہ
عدالت کاریسٹورنٹس سیل کرنے کا حکم
براہ راست دیکھیں:https://www.bolnews.com/urdu/latest/2023/12/784750/amp/#BOLNews #LahoreHighCourt pic.twitter.com/lFhMlfk06d

— BOL Network (@BOLNETWORK) December 8, 2023

جسٹس شاہد کریم نے سماعت کرتے ہوئے کہا کہ نو انڈر پاسز کی تعمیر کے باعث ٹریفک جام رہتی ہے، پیر تک آپ مشاورت کرکے عدالت کو بتائیں کب تک انڈر پاسزکی تعمیر مکمل ہوسکتی ہے۔

عدالت نے ریماتکس دیے کہ کیا سی بی ڈی نے کوئی ایک گرین پروجیکٹ شروع کیا ہے، یہ بلند وبالا عمارتیں کھڑی کررہے ہیں مگر گرین پروجیکٹ کیوں شروع نہیں کیا۔

جسٹس شاہد کریم نے شہری ہارون فاروق سمیت دیگر کی درخواستوں پرسی بی ڈی سےگرین پروجیکٹ سے متعلق رپورٹ طلب کرلی۔