مالی سال کی پہلی سہہ ماہی میں بجلی صارفین نے اربوں روپے کیپسٹی پیمنٹس کی مد میں ادا کیے۔

بول نیوزکو موصول دستاویزکے مطابق پہلی سہہ ماہی میں 460 ارب محض کیپسٹی پیمنٹس کی مد میں آئی پی پیز کو ادا کیے گئے، رواں مالی سال آئی پی پیز کو 483ارب کی کیپسٹی ادائیگیاں کی جانی تھیں۔

بجلی کے شعبے میں کیپسٹی پیمنٹس صارفین کیلئے بڑا ناسور
صارفین نے 460 ارب آئی پی پیز کو ادا کئے ، دستاویز
براہ راست دیکھیں:https://www.bolnews.com/urdu/latest/2023/12/816579/amp/#BOLNews #Electricity pic.twitter.com/vgg4bLc8lP

— BOL Network (@BOLNETWORK) December 27, 2023

دستاویزمیں بتایا گیا کہ جولائی میں 88آئی پی پیز کو 122ارب کی بجلی بلز میں کیپسٹی پیمنٹس کی گئیں، اگست میں بلزمیں 202ارب کی صارفین نے کیپسٹی پیمنٹ ادا کیں، اگست 2023 میں 89آئی پی پیز کو کیپسٹی پیمنٹ دی گئی۔

دستاویز کے مطابق ستمبرمیں 86آئی پی پیز کو 134ارب روپے کی کیپسٹی کی مد میں بلزسےوصولی ہوئی، بھاری رقم کی وصولی کے باوجود صارفین 22ارب 29کروڑ کی مزید ادائیگیاں کرینگے، کیپسٹی پیمنٹس کے ہدف کو پورا کرنے کیلئے سہہ ماہی ایڈجسٹمنٹ سے اضافہ بھی کیا گیا۔

دستاویزمیں کہا گیا کہ کیپسٹی پیمنٹس کیلئے بجلی کی قمیت میں 1 روپے 15پیسے اضافہ ہوا، کیپسٹی پیمنٹس کی مد میں صارفین آئندہ سال جنوری سے ادائیگیاں کرینگے۔