مقبوضہ کشمیر میں بھارتی فوج کے ظلم و ستم اور انسانی حقوق کی خلاف ورزیوں نے تمام ریکارڈز توڑ دیئے ہیں۔

تفصیلات کے مطابق بھارتی فوج نے مقبوضہ کشمیر میں نہتے کشمیریوں پر غیر انسانی ظلم و ستم کے پہاڑ توڑ دیئے ہیں اور بھارتی فوج نے وادی میں انسانی حقوق کی سنگین خلاف ورزیوں میں سب سے بازی لے گئی ہے۔

رپورٹس کے مطابق بھارتی فوج راجوری سیکٹر میں انسانی حقوق کی سنگین خلاف ورزی کی مرتکب ہوئی ہے، اس سیکٹر سے حراست میں لئے جانے والے کشمیریوں کو بے دردی سے قتل کر دیا ہے۔

اس بربریت اور سفاکیت کو چھپانے کے لیے مودی سرکار نے بھی اوچھے ہتھکنڈے استعمال کرنا شروع کر دیئے ہیں اور راجوری سیکٹر کے اس قتل عام پر پردہ ڈالنے کے لیے اپنے فوجی افسران کو ان عہدے سے ہٹانے کا ڈرامہ رچایا۔

مودی سرکار نے یہ ڈرامہ اس وقت کیا جب قابض فوج کی زیر حراست تین کشمیریوں پر ظالمانہ تشدد کی ویڈیوز آرمی کیمپ سے لیگ ہو گئی۔

مودی سرکار نے اس سچ کو چھپانے کو لیے اور اسے دنیا بھر میں وائرل ہونے سے بچانے کے لیے پورے مقبوضہ کشمیر میں انٹرنیٹ کی سروس کو منقطع کر دیا۔

21 دسمبر کو حریت پسندوں نے سورنکوٹ میں بھارتی فوج کی دو گاڑیوں پر حملہ کیا جس کے نتیجے میں بھارتی قابض فوج  کے 4 جوان ہلاک اور 3 زخمی ہوئے۔

جوابی کارروائی میں بھارتی سیکورٹی فورسز نے پونچھ اور راجوری کی معصوم عوام پر ظلم وبربریت کا دھاوا بول دیا۔

بھارتی سیکیورٹی فورسز نے تقریباً 80 سے زائد معصوم کشمیروں کو قید کر لیا اور تفتیش کی آڑ میں تھرڈ ڈگری غیر انسانی ٹارچر کا نشانہ بنایا جس کے نتیجے میں اب تک 4 اموات ہو چکی ہیں۔