اٹلی نے فلسطینی پناہ گزینوں کے لیے اقوام متحدہ کے ادارے کی مالی معاونت معطل کر دی ہے۔

تفصیلات کے مطابق اٹلی کی جانب سے فلسطینی پناہ گزینوں کی مدد کرنے والے اقوام متحدہ کے ادارے کی مالی معاونت معطل کر دی گئی ہے، یہ فیصلہ ان الزامات کے بعد کیا گیا ہے کہ یو این آر ڈبلیو اے کے کچھ کارکن اسرائیل میں 7 اکتوبر کے حملوں میں ملوث تھے۔

اٹلی کے وزیر خارجہ انتونیو تاجانی نے کہا ہے کہ اٹلی نے فلسطینی پناہ گزینوں کے لیے اقوام متحدہ کے ادارے (یو این آر ڈبلیو اے) کی مالی معاونت معطل کرنے کا فیصلہ کیا ہے۔

یہ فیصلہ ان الزامات کے بعد کیا گیا ہے کہ یو این آر ڈبلیو اے کے کچھ کارکن فلسطینی عسکریت پسند گروپ حماس کی جانب سے اسرائیل میں سات اکتوبر کو کیے جانے والے حملوں میں ملوث تھے، حالانکہ تاجانی نے ان شبہات کا براہ راست کوئی حوالہ نہیں دیا۔

اطالوی حکومت نے 7 اکتوبر کو اسرائیل پر ہونے والے وحشیانہ حملے کے بعد یو این آر ڈبلیو اے کی مالی اعانت معطل کر دی ہے، انہوں نے مزید کہا کہ اٹلی کے کچھ اتحادیوں نے پہلے ہی یہی فیصلہ کیا ہے۔