کے پی کے وزیر کھیل ڈاکٹر نجیب اللہ مروت کی چیئرمین پی سی بی مینجمنٹ کمیٹی ذکاء اشرف سے ملاقات ہوئی ہے۔

خیبر پختونخوا کے نگراں وزیر برائے کھیل، امور نوجوانان اور سائنس و انفارمیشن ٹیکنالوجی ڈاکٹر نجیب اللہ مروت نے بدھ کی سہہ پہر پی سی بی کے ہیڈ کوارٹرز قذافی اسٹیڈیم کا دورہ کیا اور پی سی بی مینجمنٹ کمیٹی کے چیئرمین ذکا اشرف سے ملاقات کی۔

چیئرمین پی سی بی مینجمنٹ کمیٹی ذکا اشرف کا کہنا ہے کہ میری خیبر پختونخوا کے وزیر کے ساتھ  مفید ملاقات ہوئی۔

KP Sports Minister meets Chairman PCB Management Committee

Advertisement

Details here ⤵️ https://www.bolnews.com/urdu/latest/2024/01/117524/amp/

— PCB Media (@TheRealPCBMedia) January 11, 2024

انہوں نے بتایا کہ پی سی بی نے صوبائی حکومت سے تاریخی ارباب نیاز اور حیات آباد اسٹیڈیم سمیت ریجن کے دیگر گراؤنڈز کی تحویل کے لیے درخواست کی ہے۔

ذکاء اشرف نے مزید کہا کہ اس اقدام سے پی سی بی کو نہ صرف ہمارے کرکٹرز کو جدید سہولیات فراہم کرنے میں مدد ملے گی بلکہ ریجن میں کرکٹ کی مجموعی ترقی میں بھی مدد ملے گی۔