نگراں وزیر اعظم انوارالحق کاکڑ کی صدارت میں ہونے والے وفاقی کابینہ اجلاس کا اعلامیہ جاری کر دیا گیا ہے۔

اجلاس میں وزارت خارجہ کی کابینہ کو 16جنوری کے ایرانی حملے پر بریفنگ دی گئی۔

نگراں وزیر اعظم انوارالحق کاکڑ نے کہا کہ پاکستان امن پسند ملک ہے اور تمام ممالک خصوصاً ہمسایوں کے ساتھ دوستانہ تعلقات کا حامی ہے۔

وزیر اعظم نے کہا کہ پاکستان اورایران برادراسلامی ممالک ہیں اور دونوں ممالک کے دیرینہ تعلقات باہمی تعاون اور احترام پر مبنی ہیں۔

وفاقی کابینہ کے اجلاس میں انوارالحق کاکڑ نے کہا کہ پاک ایران تعلقات کو 16 جنوری سے قبل کی سطح پر لانا دونوں ممالک کے مفاد میں ہے۔

انوارالحق کاکڑ نے وفاقی کابینہ کو بتایا کہ پاکستان ایران کی جانب سے تمام مثبت اقدامات کا مثبت انداز میں جواب دے گا۔