پہلے ٹیسٹ میں جیت کے بعد آسٹریلوی ٹیم ویسٹ انڈیز کے خلاف دوسرے ٹیسٹ سے قبل کووڈ 19 کی وجہ سے مشکلات کا شکار دکھائی دے رہی ہے۔

آسٹریلیا اور ویسٹ انڈیز کی ٹیموں کے درمیان 2 ٹیسٹ میچز پر مشتمل سیریز آسٹریلیا میں کھیلی جارہی ہے جب کہ پہلے ٹیسٹ میں آسٹریلیا نے 10 وکٹوں سے کامیابی اپنے نام کی تھی۔

دوسرا ٹیسٹ 25 سے 29 جنوری تک برسبین میں کھیلا جانے گا جس سے قبل آسٹریلوی ٹیم کووڈ 19 کی زد میں آگئی ہے۔

آل راؤنڈر کیمرون گرین اور کوچ اینڈریو میکڈونلڈز بھی کووڈ 19 کا شکار ہوگئے ہیں جب کہ اس سے قبل ایڈیلیڈ میں کھیلے گئے میچ کے بعد بیٹر ٹریوس ہیڈ کووڈ 19 کا شکار ہوئے تھے۔

تاہم کیمرون گرین اور اینڈریو میکڈونلڈز کی دوسرے میچ میں شرکت کا فیصلہ ان کی صحت کو دیکھ کر کیا جائے گا جب کہ ٹریوس ہیڈ میچ میں شامل ہوں گے۔

کرکٹ آسٹریلیا کی جانب سے جاری کردہ بیان میں کہنا ہے ’’کیمرون گرین اور اینڈریو میکڈونلڈز کو گروپ سے علیحدہ کردیا گیا ہے اور انہیں دوبارہ منفی ٹیسٹ آنے کے بعد ہی شامل کیا جائے گا‘‘۔

دوسری جانب عثمان خواجہ کے کنکشن ٹیسٹ کی رپورٹ کلیئر آگئی ہے جب کہ انہیں دوسرے ٹیسٹ میں برقرار رکھنے کا فیصلہ کیا گیا ہے۔