جنوبی افریقی کرکٹ بورڈ نے اسرائیل کی حمایت کرنے پر جنوبی افریقہ انڈر 19 ٹیم کے کپتان   ڈیوڈ ٹیگر کو عہدے سے برطرف کردیا۔

کرکٹ جنوبی افریقا کی جانب سے جاری کردہ پریس ریلیز کے مطابق  ڈیوڈ ٹیگر کو ممکنہ ردعمل اور سیکیورٹی خدشات کی وجہ سے کپتانی سے ہٹایا گیا ہے تاہم   وہ ٹیم میں بطور کھلاڑی شامل رہیں گے۔

ٹیگر کو یہودی اچیور ایوارڈز   کے دوران کی جانے والی تقریر  میں اسرائیلی فوجیوں کی حمایت کے بعد حفاظتی اقدامات کے لیے جنوبی افریقی ٹیم کے کپتان کے عہدے سے ہٹانے کا فیصلہ کیا  گیا ۔

ٹیگر کی تقریر پر کئی گروپس  کی جانب سے شکایات درج کرائی  گئی  تھی جس کے بعد ان سے تفتیش  بھی کی گئی۔

پریس ریلیز میں کہا گیا ہے کہ جنوبی افریقا میں 19 جنوری سے شروع ہونے والے ٹورنامنٹ کے دوران مظاہروں کا بھی امکان ہے۔

یاد رہے  کہ جنوبی افریقا نے عالمی عدالت انصاف میں فلسطین میں جاری اسرائیلی قتل عام پر مقدمہ بھی دائر کر رکھا ہے جس پر ابتدائی سماعت کو ملکی وزیراعظم نے قابل فخر قرار دیا ہے۔