عام انتخابات کی تیاریوں کے حوالے سے نادرا کی جانب سے تیارکی جانے والی انتخابی فہرستوں میں خامیوں کا انکشاف ہوا ہے۔ 

نادرا کی جانب سے 4 اضلاع میں خواتین کے نام مردوں میں اور مردوں کے نام خواتین کی انتخابی فہرستوں میں شامل ہوئے جس پر الیکشن کمیشن نے نادرا کو انتخابی فہرستوں میں خامیاں دور کرنے کی ہدایت کر دی۔

نادرا کی جانب سے کئی شہروں میں خواتین اور مرد ووٹرز کے تصویری الیکٹورل رولز میں غلطیاں سامنے آئی ہیں۔

شمالی وزیرستان، اورکزئی، ٹنڈو اللہ یار، کوئٹہ میں الیکٹورل رول میں خواتین ووٹرزکو مردوں جبکہ مرد ووٹرز کو خواتین ووٹرز کے الیکٹورل رول میں شامل کر دیا گیا۔

نادرا کی جانب سے خواتین کا مرد ووٹرز کی انتخابی فہرست میں اندراج کر دیا گیا جبکہ کوئٹہ اور اورکزئی میں مرد ووٹرز کا خواتین کی انتخابی فہرستوں میں اندراج کیا گیا۔

الیکشن کمیشن کا کہنا ہے کہ انتخابی فہرستوں میں غلط اندراج سے ووٹرز کو انتخابی عمل میں مسائل پیش آ سکتے ہیں۔

الیکشن کمیشن کی جانب سے نادرا کوانتخابی فہرستوں کو درست کرنے کی ہدایت جاری کی گئی ہیں۔