آئس لینڈ میں آتش فشاں پھٹنے کے بعد نکلنے والا لاوا ماہی گیروں کی بستی تک جا پہنچا۔

غیر ملکی خبر رساں ادارے کے مطابق آئس لینڈ کے ٹاؤن گرنداوک میں آتش فشاں پھٹنے کے بعد لاوا ماہی گیروں کی بستی تک جا پہنچا اور گھروں کو آگ لگ گئی۔

Volcano tourism in Iceland is something else pic.twitter.com/rvNTtesNpg

— Historic Vids (@historyinmemes) January 14, 2024

آتش فشاں سے لاوے کے اخراج کے بعد قریبی علاقوں میں ایمرجنسی ہائی الرٹ کردی گئی ہے جب کہ نزدیکی قصبے سے چار ہزار افراد کو مکمل انخلاء کے بعد مشہور سیاحتی مقام بلیو لگون کو بند کردیا گیا ہے۔

رپورٹ کے مطابق شہر میں داخل ہونے والی مرکزی سڑک لاوے کے باعث منقطع ہوگئی ہے۔

Drone’e footage of a volcano pic.twitter.com/zOGY6wyok3

— World of Memes (@mashedAvocado_) January 14, 2024

گذشتہ روز قوم سے خطاب میں آئس لینڈ کے صدر گڈنی جوہانسن نے عوام پر زور دیتے ہوئے کہا ’’یہ وقت ایک ساتھ کھڑا ہونے کا ہے اور ان لوگوں کا خاص خیال رکھیں جو اپنے گھروں سے بے گھر ہوگئے ہیں‘‘۔

انہوں نے کہا ’’امید ہے صورت حال بہتر ہوجائے گی لیکن کچھ بھی ہوسکتا ہے‘‘۔

آئس لینڈ میٹرولوجیکل آفس کا کہنا ہے کہ کچھ جگہوں پر رکاوٹیں ٹوٹنے کے باعث لاوا شہر تک پہنچ گیا جس نے کئی گھروں اور عمارتوں کو آگ لگادی‘‘۔

واضح رہے کہ جزیرہ نما علاقے میں اس سے قبل آتش فشاں پھٹنے کا واقعہ 18 دسمبر 2023 کو بھی پیش آچکا ہے۔