نگراں وزیر اعظم انوار الحق کاکڑ کی زیر صدارت وفاقی کابینہ کا اجلاس ختم ہو گیا ہے۔

نگراں وزیر اعظم انوار الحق کاکڑ کی زیر صدارت وفاقی کابینہ نے انتخابات کے لیے فوج اورسول آرمڈ فورسز کی تعیناتی کی منظوری دے دی ہے۔

قومی انتخابات میں فوجی اور نیم فوجی دستے کوئیک رسپانس فورس کے طور پر تعینات کیے جائیں گے۔

اجلاس میں فیڈرل بورڈ آف ریونیو کی تنظیم نو کی سمری کی منظوری مؤخر کر دی گئی۔

وفاقی کابینہ نے ایف بی آر کی ری اسٹرکچرنگ کے لیے کمیٹی تشکیل دے دی ہے، جس کی سربراہی نگران وزیر خزانہ شمشاد اختر کریں گی۔

کمیٹی میں خارجہ، آئی ٹی، تجارت، نجکاری اور قانون کے وفاقی وزرا بھی شامل ہوں گے۔

کمیٹی ایف بی آر کی تنظیم نو کے حوالے سے سفارشات مرتب کرے گی۔