پاکستان تحریک انصاف (پی ٹی آئی) کے متعدد عہدے داران نے پاکستان پیپلز پارٹی (پی پی پی) میں شمولیت کا اعلان کر دیا ہے۔

تفصیلات کے مطابق میئر سکھر بیرسٹر ارسلان شیخ اور سابق رکن قومی اسمبلی نعمان شیخ نے پریس کانفرنس کی جس میں دونوں رہنماؤں نے بتایا کہ پی ٹی آئی سکھر ڈویژن کے قائم مقام صدر منور چوہان پیپلز پارٹی میں شامل ہو گئے ہیں جو صوبائی اسمبلی کے حلقے پی ایس 24 سے الیکشن میں اُمیدوار بھی ہیں۔

مئیر سکھر بیرسٹر ارسلان شیخ کا اس موقع پر کہنا تھا کہ پیپلز پارٹی منور چوہان کو خوش آمدید کرتی ہے، ہم عوام کی خدمت کرتے رہے ہیں، شہر میں بھرپور ترقیاتی کام کرائے جارہے ہیں، ہم نے سکھر کی ترقی کے لیے کام کیا تگا، پیپلز پارٹی کا کوئی عہدے دار قبضہ مافیا میں شامل نہیں ہے۔