جمعیت علماء اسلام نے ملک بھر میں امیدواروں کی حتمی فہرست جاری کر دی ہے۔

تفصیلات کے مطابق جے یو آئی کے ترجمان اسلم غوری نے اپنے بیان میں کہا کہ قومی اسمبلی کے 122 امیدوار انتخابی میدان میں ہیں، کے پی کی صوبائی اسمبلی کیلئے 110، بلوچستان اسمبلی کیلئے 51 امیدوار انتخابات میں حصہ لیں گے۔

‎ترجمان  جے یو آئی اسلم غوری کے مطابق پنجاب اسمبلی کے لئے 134 جبکہ سندھ اسمبلی کے لئے 52 امیدوار نامزد کئے گئے ہیں، کارکن یکسو ہو کر انتخابی کمپین شروع کر دیں۔

‎ان کا کہنا تھا کہ جے یو آئی 8 فروری کے انتخابات میں بھرپور کامیابی حاصل کرے گی، امن وامان کی صورتحال مخدوش ہونے کے باوجود بھرپور کمپین چلائیں گے۔