منگولیا میں قدرتی گیس کا ٹینکر گر کر تباہ ہو گیا جس کے نتیجے میں 6 افراد ہلاک اور 11 افراد زخمی ہو گئے۔

برطانوی خبر رساں ادارے کی خبر کے مطابق منگولیا کے دارالحکومت منگولیا میں 60 ٹن مائع قدرتی گیس لے جانے والا ٹرک گر کر تباہ اور پھٹ گیا جس کے نتیجے میں تین فائر فائٹرز سمیت چھ افراد ہلاک ہو گئے۔

حکام نے بتایا کہ بدھ کی صبح اولان باتار میں ایک کار سے ٹکرانے کے بعد آگ بجھانے کے لیے سیکڑوں فائر فائٹرز بھیجے گئے تھے۔

آگ قریبی عمارتوں میں پھیل گئی جس کے نتیجے میں کم از کم 11 افراد زخمی ہوگئے۔

ایک 40 سالہ وکیل ایرڈینیبولڈ سکھباتر نے خبر رساں ادارے کو بتایا کہ یہ حادثہ مقامی وقت کے مطابق ایک بجے کے بعد پیش آیا اور اسے زلزلے کی طرح محسوس ہوا لیکن اس کے بعد ایک روشن اور تیز روشنی آئی۔

آگ کو تقریبا تین مختلف عمارتوں میں پھیلتے ہوئے دیکھا، جو تیز رفتاری سے آگے بڑھ رہی تھی۔

ایک رہائشی نے خبر رساں ادارے کو بتایا کہ جب تک انھیں احساس ہوا کہ ان کی عمارت جل رہی ہے، ان کے سامنے کا دروازہ پہلے ہی آگ کی لپیٹ میں آ چکا تھا، جس کی وجہ سے وہ پیچھے کے دروازے سے باہر نکلنے پر مجبور ہو گئے تھے۔ جب انہوں نے پیچھے مڑ کر دیکھا تو آگ عمارت کی اوپری منزل تک پہنچ چکی تھی۔