سیکیورٹی خدشات کے باعث اسلام آباد میں تین یونیورسٹیوں کوغیرمعینہ مدت کے لیے بند کردیا گیا۔

سیکیورٹی خطرات کے خدشات کے پیشِ نظراسلام آباد کی بائیس میں سے تین یونیورسٹیز غیر معینہ مدت تک بند کر دی گئیں۔

بعض دیگر تعلیمی ادارے بھی بند کردیے گئے،  یونیورسٹیوں کو کالعدم تنظیم کی خاتون خود کش حملہ آور کے ممکنہ حملے کی وجہ سے بند کیا گیا۔

حساس اداروں کی جانب سے سیکیورٹی الرٹ جاری کیا گیا جس کے بعد اسلام آباد میں تین یونیورسٹیوں کو غیر معینہ مدت کے لیے بند کیا گیا۔

حساس اداروں نے رپورٹ جاری کی تھی کہ بائیس جنوری سے چوبیس جنوری کے درمیان تین حساس نوعیت کی یونیورسٹیوں پر خود کش حملہ ہوسکتا ہے۔

بی ایل اے اپنے سہولت کاروں کے ذریعے خاتون خود کش استعمال کی جاسکتی ہے، حساس اداروں کی تھریٹ الرٹ رپورٹ کے بعد یونیورسٹیاں بند کی گئی ہیں۔

اسلام آباد کے بعض دیگر ایسے تعلیمی ادارے بھی شیڈول وقت سے پہلے بند کردیے گئے جن کو بھی سیکیورٹی خطرات ہوسکتے ہیں

بند کی گئی یونیورسٹیز میں ائیر، این ڈی یواور بحریہ یونیورسٹی شامل ہیں۔

دوسری جانب دارالحکومت اسلام آباد کے نواحی علاقوں میں رات گئے سیکیورٹی اداروں نے سرچ آپریشن بھی کیا۔