پاکستانی پروفیشنل فائٹنگ گیم پلیئر ارسلان ایش نے ٹیکن ورلڈ ٹوور فائنل 2023 جیت لیا۔

امریکا میں ہونے والے فائنل میں ارسلان ایش نے کوریا کے چیری بیری مینگو کو 3-1 سے شکست دے کر ٹیکن ورلڈ ٹوور فائنل 2023 جیت لیا ہے۔

سی بی ایم کے نام سے پہچانے جانے والے کورین کھلاڑی پاکستانی گیمر کے سامنے بے بس نظر آئے اور ارسلان ایش نے باآسانی کامیابی اپنے نام کی۔

https://twitter.com/ArslanAsh95/status/1746924929872703717?ref_src=twsrc%5Etfw%7Ctwcamp%5Etweetembed%7Ctwterm%5E1746924929872703717%7Ctwgr%5E95dcee05119db00ebde35434ab60637aefadabc4%7Ctwcon%5Es1_&ref_url=https%3A%2F%2Fwww.dawnnews.tv%2Fnews%2F1221722

ارسلان ایش کو ٹیکن کا بہترین کھلاڑی کہا جاتا ہے اور وہ دنیا کے تمام بڑے ٹیکن ٹوور ٹورنامنٹس میں شرکت کرچکے ہیں۔

یہ بھی پڑھیں: پاکستانی گیمر ارسلان ایش ’ای اسپورٹس پلیئر آف دی ایئر‘ قرار

ای اسپورٹس چیمپئن کو 50 ہزار امریکی ڈالر کے اعزاز سے بھی نوازا گیا جب کہ ہارنے والے کھلاڑی کو 13 ہزار ڈالر اور تیسرے نمبر کے کھلاڑی کو 6 ہزار ڈالر ملے۔

واضح رہے کہ ارسلان ایش اس سے قبل چار مرتبہ ای وی او چیمپئن بھی رہ چکے ہیں۔