برطانیہ کے دیہی علاقے سے تعلق رکھنے والے  12 سالہ طالب علم نے ذہانت میں مشہور سائنسدان البرٹ آئن اسٹائن اور اسٹیفن ہاکنگ کو پیچھے چھوڑ دیا۔

تفصیلات کے مطابق   دیہی علاقے نارتھ ڈیون میں واقع گریٹ ٹورنگٹن  کے 12 سالہ طالب روری بڈ ویل  نے بغیر تیاری کے آئی کیو ٹیسٹ میں 162 اسکور کیا۔

سائنس کی دنیا میں تہلکہ خیز انکشافات کرنے والے  آئن اسٹائن اور اسٹیفن ہاکنگ دونوں کے بارے میں کہا جاتا ہے کہ ان کا آئی کیو 160 کے قریب تھا۔

روری بڈویل کی  والدہ  کا کہنا ہے کہ ان کا بیٹا  ٹیسٹ کے دوران بہت پرسکون تھا اور ایک سیکشن کے دوران  تو وہ ٹوائلٹ میں آرام سے ٹہلتا رہا تھا۔

والدہ کے مطابق ٹیسٹ کی سنگینی کے بارے میں روری کی بے خبری نے اسے بغیر کسی  پریشانی اور  بغیر تیاری کے مکمل کرنے میں مدد کی۔

روری بڈویل کو اس ٹیسٹ کے بعد  مینسا میں مدعو کرلیا گیا ہے۔

مینسا دنیا کی سب سے بڑی اور قدیم ترین ہائی آئی کیو سوسائٹی ہے۔ یہ ایک غیر منافع بخش تنظیم ہے جو ان لوگوں کے لیے کھلی ہے جو معیاری اور زیر نگرانی آئی کیو  یا دیگر منظور شدہ انٹیلی جنس ٹیسٹ میں 98 فیصد یا اس سے زیادہ اسکور کرتے ہیں۔