سابق آسٹریلوی کرکٹر ایڈم گلکرسٹ نے ان کے نام سے منسوب من گھڑت اقتباسات پھیلانے پر سوشل میڈیا پیج کی شدید مذمت کردی۔

حال ہی میں پاکستان اور آسٹریلیا کی ٹیموں کے درمیان تین ٹیسٹ میچز پر مشتمل سیریز کھیلی گئی جس میں پاکستان کو 3-0 سے شکست کا سامنا کرنا پڑا۔

میچ کے بعد سابق آسٹریلوی کرکٹر ایڈم گلکرسٹ کے نام سے منسوب ایک جھوٹا اقتباس سوشل میڈیا پر گردش کرنے لگا۔

اقتباس میں کہا گیا تھا کہ ’’پاکستان آسٹریلیا کی کنڈیشنز میں ایشیا کی بدترین ٹیم ہے، انہوں نے گذشتہ 35 سالوں میں یہاں کیا جیتا ہے‘‘۔

اس اقتباس کو مسترد کرتے ہوئے ایڈم گلکرسٹ نے اپنے سوشل میڈیا اکاؤنٹ پر آسٹریلیا کے خلاف پاکستان کرکٹ ٹیم کی صلاحیتوں کو تسلیم کیا۔

I never said this. Absolutely fake, made up quotes. Pakistan were excellent at times this summer, against a World Champion Aust team and very nearly pinched a Test or two. #fakenews #ignore pic.twitter.com/DsQ9KUINIr

— Adam Gilchrist (@gilly381) January 11, 2024

انہوں نے لکھا ’’میں نے ایسا کبھی نہیں کہا یہ اقتباسات بالکل جعلی ہیں، پاکستان کرکٹ ٹیم نے اس موسم سرما میں اچھا کھیل پیش کیا، ایک دو ٹیسٹ میچز میں انہیں تقریباً قریب قریب ہی شکست ہوئی تھی‘‘۔

یاد رہے کہ پاکستان کرکٹ ٹیم نے آسٹریلیا کے خلاف ٹیسٹ سیریز ہارنے کے باوجود اچھا کھیل پیش کیا تھا جب کہ عامر جمال اور محمد رضوان نے نمایاں کارکردگی دکھائی تھی۔

واضح رہے کہ آسٹریلیا ویسٹ انڈیز کے خلاف ہوم سیریز کی تیاری کر رہا ہے جب کہ پاکستان کرکٹ ٹیم پانچ ٹی ٹوئنٹی میچز کی سیریز کے لیے نیوزی لینڈ میں موجود ہے۔