عام انتخابات 2024 کے سلسلے میں الیکشن کمیشن کی جانب سے لاہورسے قومی و صوبائی اسمبلی کی 44 نشستوں پر امیدواروں کی حتمی فہرستیں جاری کردی گئیں۔

لاہورسے قومی و صوبائی اسمبلی کی 44 نشستوں پر1079 امیدوار مدمقابل ہیں۔ الیکشن کمیشن نے لاہورہائیکورٹ کے فیصلوں کے بعد فہرستیں جاری کردیں۔

چودہ قومی اسمبلی کی نشستوں پر266 امیدوار مدمقابل، 30 صوبائی اسمبلی کی نشستوں پر 813 امیدوار مدمقابل ہیں۔

قومی اسمبلی کے حلقہ این اے 120 میں سب سے زیادہ 27 امیدوار مدمقابل ہیں جبکہ این اے 120 سے ن لیگ سردار آیاز صادق بھی میدان میں ہوں گے۔

این اے 118 میں سب سے کم 18امیدوارمدمقابل ہیں، این اے 118 سے حمزہ شہباز اور پی ٹی آئی کی عالیہ حمزہ میدان میں ہیں۔

صوبائی اسمبلی کی نشست پی پی 161 میں سب سے زیادہ 46 امیدوارمدمقابل ہیں جبکہ پی پی 150 میں سب سے کم 13 امیدوارمدمقابل ہیں۔