نیوزی لینڈ نے تیسرے ٹی ٹوئنٹی میچ میں پاکستان کو 45 رنز سے شکست دے کر سیریز میں ناقابل شکست برتری حاصل کرلی۔

تفصیلات کے مطابق ڈونیڈن میں کھیلے گئے تیسرے ٹی ٹوئنٹی میچ میں پاکستان نے ٹاس جیت کر نیوزی لینڈ کو پہلے بیٹنگ کرنے کی دعوت دی۔

 کیویز نے فن ایلن کی 16 چھکوں اور 5 چوکوں پر مشتمل جارحانہ 137 رنز کی شاندار اننگز کی بدولت مقررہ 20 اوورز میں 7 وکٹوں کے نقصان پر 224 رنز بنائے۔ ٹم سیفرٹ 31 اور گلین فلپس 19 رنز بناکر دیگر نمایاں بلے باز رہے۔

پاکستان کی جانب سے حارث رؤف نے 2 جبکہ  شاہین شاہ آفریدی،زمان خان، محمد نواز اور وسیم جونیئر نے ایک ایک وکٹ حاصل کی۔

قومی ٹیم 225 رنز کے ہدف کے تعاقب میں 7 وکٹوں کے نقصان پر 179 رنز ہی بناسکی۔ بابر اعظم58،محمد نواز 28 اور محمد رضوان 24 رنز بناسکے۔

New Zealand win the third T20I by 45 runs.#NZvPAK | #BackTheBoysInGreen pic.twitter.com/NIvCdCZy3T

— Pakistan Cricket (@TheRealPCB) January 17, 2024

فخر زمان 19، کپتان شاہین آفریدی ناٹ آؤٹ 16، صائم ایوب اور اعظم خان 10،10 جبکہ افتخار احمد ایک رن بناسکے۔

نیوزی لینڈ کی جانب سے ٹم ساؤتھی نے 2 جبکہ ،میٹ ہینری،لوکی فرگیوسن، ایش سودھی اور سینٹنر نے ایک ایک وکٹ حاصل کی۔