فافن نے انتخابی فہرستوں پر رپورٹ جاری کی جس میں خواتین ووٹرز کی تعداد میں نمایاں اضافہ دیکھا گیا۔

تفصیلات کے مطابق فری اینڈ فیئر الیکشن نیٹ ورک (فافن) نے انتخابی فہرستوں پر رپورٹ جاری کی جس میں بتایا گیا کہ ریکارڈ12کروڑ80لاکھ ووٹرز کا اندارج کیا گیا ہے، خواتین ووٹر رجسٹریشن کے نمایاں رجحانات ہیں، گزشتہ دہائی میں ووٹرزر جسٹریشن میں اضافہ ہوا ہے، 2013 کےانتخابات کے بعد سے 4 کروڑ23لاکھ ووٹرز کا اضافہ ہوا، ووٹرز تعداد اس وقت ملک کی آبادی کا53.2 فیصد ہے۔

فافن کی رپورٹ کے مطابق 2018 میں رجسٹرڈ ووٹرز کا تناسب 49.6 فیصد تھا، پنجاب میں57 فیصد، خیبرپختونخوامیں53فیصد آبادی ووٹر ہے، سندھ اور اسلام آباد میں ووٹرز آبادی کا تقریباً 50 فیصد ہیں، بلوچستان میں آبادی کے صرف 36 فیصد رجسٹرڈ ووٹرز ہیں، 78 اضلاع میں نصف آبادی ووٹر ہے، 49 اضلاع میں ووٹرز آبادی کا30 سے 50 فیصد ہیں، 9 اضلاع میں 30 فیصد سے کم آبادی رجسٹرڈ ووٹرز ہیں۔

رپورٹ کے مطابق 159 حلقوں میں 50 فیصد آبادی ووٹر ہے، 57 حلقوں میں ووٹرز آبادی کا 50 فیصد سے کم ہیں، 5 حلقوں میں ووٹرز آبادی کا 30 فیصد سے کم ہیں، خواتین ووٹرزکی رجسٹریشن میں اضافہ کا رجحان دیکھنے میں آیا، 2018 میں ووٹرز کا صنفی فرق11.8فیصد تھاجو اب 7.7فیصد ہو گیا، 2018 کے بعد خواتین رجسٹریشن مردوں سے بڑھ گئی ہے، نئے رجسٹرڈ2کروڑ25لاکھ ووٹرز میں سے1کروڑ25لاکھ ووٹرز خواتین اور1کروڑ مرد ہیں۔

جاری کردہ رپورٹ کے مطابق جن اضلاع میں صنفی فرق2018میں10فیصد سے زیادہ تھا وہ85سے کم ہو کر24رہ گیا، جن قومی اسمبلی کے حلقوں میں صنفی فرق10فیصد سے زیادہ تھا173سے کم ہو کر38فیصد رہ گیا، ان میں سے12این اے کے حلقے خیبرپختونخوا،11بلوچستان10سندھ اور5پنجاب میں ہیں۔