کراچی کے علاقے کیماڑی میں پولیس نے دو مختلف مقامات پر سرچ اینڈ کومبنگ آپریشن شروع کر دیا ہے۔

پولیس کے مطابق سرچ اپریشن شجاعت کالونی بلدیہ اور مواچھ گوٹھ میں کئے جا رہے ہیں۔

سرچ آپریشنز میں متعلقہ سب ڈویژن کے ڈی ایس پیز اور ایس ایچ اوز نفری کے ہمراہ حصہ لے رہے ہیں.

پولیس کا کہنا ہے کہ سرچ آپریشنز علاقے میں امن و امان کی فضا کو برقرار رکھنے کے لئے کیا جا رہا ہے.

علاقے کے داخلی اور خارجی راستوں کو سیل کر کے گھر گھر تلاشی لی جا رہی ہے.

جبکہ مشتبہ افراد کو بائیومیٹرک تصدیق کے ذریعے چیک کیا جا رہا ہے.

پولیس کے مطابق آپریشن کے دوران غیر ملکی تارکین وطن کا ریکارڈ بھی ڈیوائسز کے زریعے چیک کیا جا رہا ہے.