موٹر وے کو مختلف مقامات پر شدید دھند کی وجہ پولیس نے ٹریفک کے لیے بند کر دیا ہے۔

تفصیلات کے مطابق ترجمان موٹر وے پولیس سید عمران احمد کا کہنا ہے کہ موٹر وے شدید دھند کے باعث مختلف مقامات سے ہر قسم کی ٹریفک کے لیے بند کر دیا گیا ہے۔

ترجمان موٹر وے پولیس سید عمران احمد کے مطابق موٹر وے ایم 2 لاہور سے ہرن مینار تک دھند کی وجہ سے بند کر دی گئی ہے۔

موٹر وے ایم 3 فیض پور سے درخانہ تک ٹریفک کے لیے بند کر دی گئی ہے۔

شدید دھند کے باعث لاہور سیالکوٹ موٹر وے بھی ٹریفک کے لیے بند کر دی گئی ہے۔

موٹروے ایم 5 اقبال آباد سے روہڑی تک دھند کی وجہ سے بند کی گئی ہے۔

 موٹر وے پولیس کے ترجمان کا کہنا تھا کہ موٹرویز کو عوام کی حفاظت اور محفوظ سفر یقینی بنانے کے لیے بند کیا جاتا ہے۔

سید عمران احمد کا کے مطابق قومی شاہراہوں  پر دھند کا دورانیہ موسم سرد ہونے کے ساتھ بڑھ گیا ہے۔

ترجمان سید عمران احمد کا کہنا تھا کہ سفر کرنے والے زیادہ سے زیادہ دن کے اوقات پر سفر کرنے کو ترجیح دیں اور اس کے لیے صبح 10 سے شام 6 بجے تک دھند کے موسم میں بہترین سفری اوقات ہیں۔

سید عمران احمد نے ڈرائیوروں کو متنبہ کرتے ہوئے کہا کہ وہ اپنی گاڑیوں میں آگے اور پیچھے فوگ لائٹس کا استعمال کریں اور غیر ضروری سفر سے گریز کریں۔

موٹر وے کے ترجمان نے ڈرائیوروں سے کہا ہے کہ وہ تیز رفتاری سے پرہیز کریں، اگلی گاڑی سے مناسب فاصلہ رکھیں اور معلومات اور مدد کے لیے ہیلپ لائن 130 پر رابطہ کریں۔