پاکستان کے ابھرتے ہوئے نوجوان جارح مزاج اوپننگ بلے باز صائم ایوب نے  نیا ریکارڈ  قائم کردیا۔

تاہم یہ جان کر آپ کو حیرت ہوگی کہ یہ ریکارڈ بلے بازی سے متعلق نہیں بلکہ فیلڈنگ سے متعلق ہے۔

صائم ایوب نے نیوزی لینڈ کے خلاف پہلے ٹی ٹوئنٹی میچ میں 4 کیچز پکڑے اور وہ ٹی ٹوئنٹی انٹرنیشنل میچ کی ایک اننگ میں 4 کیچز پکڑنے والے پہلے پاکستانی کھلاڑی بن گئے۔

اس سے قبل ٹی ٹوئنٹی انٹرنیشنل میچ میں کسی بھی پاکستانی کھلاڑی نے 3 سے زیادہ  کیچز نہیں پکڑے تھے۔

پاکستان کی جانب سے ایک ٹی ٹوئنٹی انٹرنیشنل میچ میں 3 کیچز پکڑنے والوں میں یاسر شاہ، عمر اکمل، شاہد آفریدی، حسین طلعت، شعیب ملک، شاداب خان، شاہین شاہ آفریدی، محمد نواز اور فخر زمان شامل ہیں۔

خیال رہے کہ عمر اکمل واحد کھلاڑی ہیں جنہوں نے یہ کارنامہ دو مرتبہ انجام دیا ہے۔