پیپلز پارٹی کے چیئرمین بلاول بھٹو نے لاہور میں انتخابی جلسے سے خطاب کیا اور ن لیگ کو شدید تنقید کا نشانہ بنایا۔

تفصیلات کے مطابق پیپلز پارٹی کے چیئرمین بلاول بھٹو زرداری نے لاہور میں انتخابی جلسے سے خطاب کرتے ہوئے کہا میں لاہور کی سرزمین پر کھڑے ہو سب کو پیغام دیتا ہوں کہ عوام نے مایوس نہیں ہونا حالات مشکل ضرور ہیں۔

بلاول بھٹو زرداری نے کہا کہ مہنگائی بڑھ رہی معاشی بحران ہے، سیاسی اور جمہوری بحران ہیں اور دہشت گرد پھر سر اٹھا رہا ہے وہ ہمیں نظر آرہا ہے۔

جو نفرت کی سیاست کر رہے ہیں اس سے ملک تقسیم ہو رہا ہے، ۔پیپلز پارٹی ملک کو نفرت اور سیاسی بحران سے نکالے گی۔

بلاول بھٹو نے کہا کہ جو دہشت گرد سر اٹھا رہے وہ سر میں کاٹوں گا، میں پاکستان کے دل سے الیکشن لڑ رہا ہوں۔

بلاول بھٹو زرداری نے کہا کہ اس وقت پاکستان کا دل ٹوٹا ہوا اس کو جوڑے گے، جو کہتے لاہور کیوں آئے ہو لاہور تو ہمارا ہے، ان کو بتائے لاہور پیپلز پارٹی کا ہے.

قاید عوام نے اس شہر لاہور میں پیپلز پارٹی کی بنیاد رکھی تھی، پنجاب پر کبھی کوئی شوباز مسلط کیا جاتا تو کبھی وسیم اکرم پلس مسلط کیا جاتا ہے۔

ہم پاکستان کو ان نالائق کے حوالے نہیں کر سکتے، پیپلز پارٹی وہ جماعت ہے جو وعدہ پورا کر کے دکھاتے ہیں۔ میں نے الیکشن کے لئے عوام کے مسائل کو مد نظر رکھتے ہو ئے منشور تیار کیا

قائد عوام نے امیروں سے لے کر غریب کو حق دیا، جو اشرافیہ کا حصہ ہے ان کو سبسڈی دی جا رہی ہے۔

بلاول بھٹو زرداری کا کہنا تھا کہ سالانہ اشرافیہ کو ایک سو پانچ ارب سبسڈی دی جاتی ہے، اشرافیہ سے یہ پیسے واپس لے کر عوام کو دونگا۔

آپ ایک بار پیپلز پارٹی کو موقع دیں، پیپلز پارٹی غریب جماعت ہے اور رہے گی۔

بلاول بھٹو نے کہا کہ میری ماں اس دنیا میں نہیں رہی، مجھے موقع دیں، میں بینظیر انکم سپورٹ پروگرام کو بڑھاؤں گا، ہم بینظیر کارڈ کے ذریعے غریب کسانوں کی مدد کریں گے، اور مزدوروں کو بینظیر کارڈ دلواؤں گا۔