محسن نقوی کے پی سی بی کے سربراہ مقرر ہونے پر سابق لیجنڈری کھلاڑی جاوید میانداد کا بیان سامنے آگیا۔

خبر رساں ادارے کی رپورٹ کے مطابق سابق کپتان و لیجنڈری کھلاڑی جاوید میانداد کا میڈیا سے گتگو کرتے ہوئے کہنا تھا کہ جس کی حکومت ہوتی ہے تو وہ اپنے بندے پی سی بی میں لے آتا ہے۔

انہوں نے کہا کہ وزیراعظم جو بھی بنے ملک اور کرکٹ کی ترقی کے لیے کام کرے،  اگر مجھے موقع دیا جائے تو میں سب ٹھیک کردوں گا۔

انہوں نے مزید کہا کہ کرکٹ میں کہیں ایسا نہیں ہوتا جیسا پاکستان میں ہوتا ہے، کرکٹ کے فروغ کے لیے کام کرنا ہوگا۔

خیال رہے کہ گذشتہ روز نگراں وزیر اعلیٰ پنجاب محسن نقوی کو پاکستان کرکٹ بورڈ (پی سی بی) کی مینجمنٹ کمیٹی کا چیئرمین مقرر کیا گیا ہے۔

محسن نقوی کو ساتھ ہی مصطفیٰ رمدے کے ساتھ بورڈ آف گورنرز میں بھی شامل کیا گیا ہے جب کہ وزارت بین الصوبائی رابطہ محسن نقوی کی تقرری کا نوٹیفکیشن جلد جاری کرے گی۔