حکومتی ملکیت کے اداروں میں بھی کھربوں روپے کے نقصانات منظر عام پر آ گئے ہیں۔

تفصیلات کے مطابق وزارت خزانہ کی سال 2022 کی دستاویزات کے مطابق حکومتی ادارے کھربوں روپے کے نادہندہ ہیں۔

وزارت خزانہ کی رپورٹ میں بتایا گیا ہے کہ حکومت کے بڑے بڑے اداروں کی مالی حالت انتہائی خراب ہے اور وہ کھربوں روپے نقصان میں ہیں۔

سال 2022 کی رپورٹ میں بتایا گیا ہے کہ نادہندہ ادارے معیشت پر بہت بڑا بوجھ بن چکے ہیں۔

وزارت خزانہ کی دستاویزات کے مطابق سال 2022 میں حکومتی ملکیتی ادارے 729 روپے نقصان میں ہیں۔

ماہر معیشت نے وزارت خزانہ کی ان دستاویزات پر خدشات کا اظہار کیا ہے۔

وزارت خزانہ کے مطابق نیشنل ہائی وے اتھارٹی کے نقصانات 168 ارب روپے سے تجاوزکرگئے ہیں۔

ملک بھر میں بجلی فراہم کرنے والے ادارے پیسکو102 ارب سے زائد کی نادہندہ ہے، کیپکو کے نقصانات 76 ارب 41 کروڑ تک پہنچ چکے ہیں اور لیسکو کو 30 ارب 21 کروڑ روپے کا نقصان کا سامنا ہے۔

رپورٹ میں حیسکو کے نقصانات کا تخمینہ ساڑھے 54 ارب جبکہ سیپکو کے نقصانات 29 ارب 48 کروڑ روپے بتائے گئے ہیں۔

اس کے علاوہ پی آئی اے کے نقصانات 97 ارب 53 کروڑ تک پہنچ چکے ہیں۔

نادہندہ اداروں کی فہرست میں پاکستان ریلویز بھی کسی سے پیچھے نہیں ہے جس کے نقصانات ساڑھے 47 ارب 48 کروڑ روپےسے تجاوز کرگئے ہیں۔