بولیویا کی پولیس نے منشیات کی بڑی کھیپ کو یورپ اسمگل کرنے کی کوشش ناکام بنا دی ہے۔

عالمی خبر رساں ادارے کی خبر کےمطابق بولیوین پولیس نے ایک مشتبہ ٹرک کی تلاشی لی جس میں 22 کروڑ ڈالر مالیت کی 9 ٹن منشیات برآمد ہوئی۔

بولیویا کے حکام نے ٹرک اور ڈرائیور کو اپنی تحویل میں لے لیا ہے، پولیس کے مطابق منشیات ٹرک کے لکڑی کے فرش کے نیچے خفیہ خانوں میں چھپائی گئی تھی۔

حکام کا کہنا ہے کہ ٹرک نیدرلینڈ جا رہا تھا۔

عالمی خبر رساں ادارے کی رپورٹ کے مطابق 9 ٹین مالیت کی خالص کوکین یورپ اسمگل کی جا رہی تھی جس کی عالمی مارکیٹ میں قیمت 52 کروڑ ڈالر بنتی ہے۔

 بولیویا کے صدر لوئس آرس نے کوکین کی بھاری کھیپ پکڑنے پر پولیس حکام کو مبارکباد دی، انہوں نے سوشل میڈیا پر لکھا کہ تقریباً 9 ٹن کوکین ضبط کی گئی ہے جو ایک ریکارڈ ہے۔