امریکی عدالت نے سابق امریکی صدر ڈونلڈ ٹرمپ کو 83 ملین ڈالر ہرجانہ ادا کرنے کا حکم جاری کردیا ۔

بین الاقوامی خبررساں ادارے کے مطابق  امریکی عدالت نے ڈونلڈ ٹرمپ کو  مصنفہ جین کیرول کو 83 ملین ڈالر ہرجانہ ادا کرنے  کا حکم سنا دیا۔

نیویارک کی جیوری نے یہ فیصلہ ہتک عزت کے مقدمے میں سنایا ہے۔

جین کیرول  نے الزام لگایا تھا کہ ڈونلڈ ٹرمپ نے 1990 کی دہائی میں ان پر جنسی حملہ کیا تھا۔

ڈونلڈ ٹرمپ کو  مصنفہ جین کیرول کو 83 ملین ڈالرادا کرنے  ہوں گے جنہیں ٹرمپ نے سرعام جھوٹا کہا تھا اور ان کی توہین کی تھی۔

تاہم سابق صدر نے ہتک عزت سے متعلق جیوری کے فیصلے کو مضحکہ خیز قرار  دیتے ہوئے   جرمانے کے خلاف اپیل  دائر کرنے کا اعلان کیا ہے۔