مسلم لیگ ق نے قومی و صوبائی اسمبلیوں کی ٹکٹیں جاری کردیں۔ 

مسلم لیگ ق کی جانب سے قومی اسمبلی کی اٹھارہ نشستوں پر ٹکٹیں جاری کی گئیں جبکہ ق لیگ کی جانب سے پنجاب میں صوبائی اسمبلی کے لیے چھتیس ٹکٹیں جاری کی گئیں۔

ق لیگ نے صوبہ خیبرپختونخوا کے لئے 5 امیدواروں، صوبہ بلوچستان کے لیے چار ٹکٹیں جاری کی گئیں۔ ق لیگ نے سندھ کی صوبائی اسمبلی کے لئے بارہ امیدواروں کو پارٹی ٹکٹ دیے۔

قومی اسمبلی میں سالک حسین، حسین الہی، موسی الہی، طارق بشیر چیمہ کو ٹکٹ جاری کیے گئے۔ کراچی سے محمد طارق حسن، ارشد علی خان، محمد جمیل، سید فیضان انیس کو قومی اسمبلی کے ٹکٹ جاری کیے گئے۔

کوئٹہ سے شکیل روشن، خیرپورسے نیاز حسین، سکھر سے عبدالقادر، جیکب اباد سے نواب علی کو ٹکٹ جاری کیے گئے۔

ڈیرہ اسماعیل خان سے محمد احمد خان افضالی، چنیوٹ سے ارشد احمد قمر، پشاور سے ریاض احمد خان جبکہ بہاولپور سے ولی داد چیمہ کو ٹکٹ جاری کیے گئے۔