دنیا بھر میں لوگوں کی بڑی تعداد موسم گرما کی تعطیلات گزارنے کے لیے مختلف پرفضا مقامات کا رخ کرتی ہے ان ہی میں آئر لینڈ کا حسین وجمیل جزیرہ بلاسکیٹ بھی شامل ہے۔

آئر لینڈ کا یہ جزیرہ اس موسم گرما کی تعطیلات میں ایک جوڑی یا کپل کو مفت رہائش اور کھانا فراہم کرنا چاہتا ہے لیکن ایک شرط کے ساتھ اور وہ یہ ہے یہ دونوں افراد اس جزیرے میں آنے والے مہمانوں کی میزبانی کلے فرائض انجام دیں گے۔

اس کی وجہ یہ ہے کہ موسم گرما میں اس جزیرے پر سیاحوں کو رش بڑھ جاتاہے اسی لیے یہ اس جوڑی کو یہاں رہائش کے دوران کچھ کام مختص کیے جائیں گے ان میں جزیرے کے کیفے کو چلانا، اور چار ملحقہ کاٹیجز میں مہمانوں کی میزبانی کرنا شامل ہے۔

اگرچہ اس کام کی تنخواہ دی جائے گی لیکن تفصیلات نہیں بتائی گئی ہے وہ کتنی ہوگی، تاہم کام سخت محنت طلب ہے، جوڑی کو رات بھر مہمانوں سے ملنے اور ان کا استقبال کرنے، چائے اور کافی پیش کرنے اور روزمرہ کی ضروریات کا خیال رکھنا لازمی ہے۔

اس جوڑے کی رہائش کافی شاپ کے اوپر اپارٹمنٹ میں دی جائے گی اس میں کھانا اور رہائش شامل ہے، لیکن باقی سب کچھ آپ کی اپنی ذمہ داری ہے۔ جبکہ دونوں کے لیے ضروری ہے کہ وہ نہ صرف انگریزی زبان جانتے ہوں بلکہ یورپی یونین کے ساتھ کام بھی کر چکے ہوں اس جزیرے میں کام کے دوارن انہیں کوئی چھٹی نہیں دی جائے گی۔