امریکہ نے یمن کے حوثی گروپ کو ایک بار پھر دہشتگرد گروپوں کی فہرست میں شامل کرلیا۔

بین الاقوامی خبررساں ادارے کے مطابق  بحیرہ احمر میں  حوثی گروپ کی جانب سے مختلف جہازوں پر حملوں کے بعد امریکہ نے حوثی گروپ کو دوبارہ دہشت گرد تنظیموں کی فہرست میں شامل کرلیا۔

وائٹ ہاؤس کی جانب سے جاری بیان میں کہا گیا ہے کہ بحیرہ احمر میں مسلسل حملوں کے بعد حوثی گروپ کو خصوصی عالمی دہشت گرد قرار دے رہے ہیں۔

وائٹ ہاؤس کا کہنا ہے کہ اس اقدام کا مقصد حوثی گروپ کو ہتھیاروں اور مالی امداد کی فراہمی سے بھی روکنا ہے۔حوثی گروپ اگر بحیرہ احمر اور خلیج عدن میں حملے بند کردے تو اس فیصلے کو بدلا جا سکتا ہے۔

دوسری جانب حوثی گروپ نے ردعمل دیتے ہوئے کہا ہے کہ امریکی اقدام کے باوجود اسرائیل جانے والے جہازوں پر حملے جاری رہیں گے۔

یاد رہے کہ  امریکی صدر جو بائیڈن نے 2021 میں حوثی گروپ کو دہشت گردوں کی فہرست سے نکال دیا تھا۔