رجسٹرارسپریم کورٹ کی جانب سے جاری نئے ہدایت نامے میں تمام صحافیوں کو داخلے کی اجازت دی گئی ہے۔

سپریم کورٹ آف پاکستان کے مطابق صحافی صرف میڈیا ہاؤسز کے کارڈ دکھا کرسپریم کورٹ کے انٹری گیٹ سے داخل ہوسکتے ہیں، سپریم کورٹ بلڈنگ میں ویڈیو بنانے یا یوٹیوب پروگرام ریکارڈ کرنا کی ممانعت ہے۔

سپریم کورٹ کا کہنا ہے کہ کسی اہم کیس کی سماعت کے موقع پر کورٹ روم میں صرف ہر میڈیا ہاؤس کی جانب سے صرف ایک رپورٹر کو جانے کی اجازت ہوگی۔ باقی رپورٹرزکے لیے کسی اور کورٹ روم میں آڈیو لنک فراہم کیا جائے گا۔

پریس ایسوسی ایشن آف سپریم کورٹ کے صدر طیب بلوچ کی جانب سے صحافیوں کو مخصوص لسٹوں پر داخلے کی اجازت دینے کی مخالفت کی تھی۔

رجسٹرارسپریم کورٹ کو تحریری طور صدر پریس ایسوسی ایشن طیب بلوچ نے میڈیا کارڈ پر داخلے کے لیے لکھا تھا۔ اب سپریم کورٹ کی جانب سے پریس ایسوسی ایشن کے مطالبے کو مانتے ہوئے محض کارڈ پر داخلے کی اجازت دے دی۔